IIIII
Ond do stchto ond warte
hät mer das ned au
warte hät mer das ned au
chönne als emmer
hendere noche laufe //
05 ond emmer witer no wieter witer
före tröcke ond före. Dehende
blibe was wotsch
dehende au eso chonsch chontsch
no gnueg früe früe före no
10 viel z früe chontsch
före eso ond of einisch
schtosch z vorderscht
ganz z vorderscht
de chansch nömme zrogg de
15 muesch ufe go ufe de muesch
die ganz Schtäge de muesch
Schtafle för Schtafle eini
ufe laufe noch de
andere muesch
20 ond niemer me esch de //
vor der
gar niemer me esch de
vor derhr. Ond du chansch
nömme henderzi ond
chansch nömme abe. Jetz besch
25 ganz ellei vore, besch
elei ganz elei dobe
ond si nänd di si
händ di chanschtsch nömme zrock
chanschtsch
30 nömme abe
si hend di si hend di.
21.1.82
