Schwöre to nor schwöre bem heilige Leodegar ond bem heilige Felix ond bem 05 heilige Joscht ond be de Bluetstropfe vo Willisau ond bem Heiligchrüz jo ond au no bem Heiligchrüz jo 10 schwöre to nor emmer schwöre bem heilige Hus em Hergiswald obe ond bem heilige Franz dobe ofem Balke öberem 15 heilige Hus em Hergiswald obe jo schwöre to nor emmer schwöre ond au no allne arme Seele dobe em 20 Hergiswald be de arme Seele wo alli || tönd brönne wo alli dobe em Hergiswald em Fägfür tönd brönne to 25 nor schwöre nor emmer schwöre ond au no wenn alles nüd nötzt ond alles lätz esch ond alles nüme nötzt au no 30 be de Mondschtei jo au no be de Mondschtei denne em Beregger- wald jo zmetzt denne em Bereggerwald jo 35 to schwöre to nor z gueter letscht au no schwöre of d Mondschtei zmetzt of de Liëchtig zmetzt em Bereggerwald wo no niëmer 40 gfonde hed ond wo no niëmer gseh hed jo to nor schwöre to nor emmer to nor emmer schwöre.
