Ond de hani Angscht öbercho ond ha tänkt es esch alles glichlig we emmer es esch alles glichlig we emmer ond esch 05 alles ganz andrisch es esch alles do wos emmer gsih esch d Wolke- chratzer ond d Subway ond vor allem de Gschmack jo vor allem dä komisch 10 Gschmack us allne Schächte ufe ond allne Hüsere use ond wemmer denne esch e de Hüsere vo de Schtross dor d Fenschter 15 ine dä Gschmack dä komisch Gschmack we vo frömde vo scho lang vertorete frömde scho lang vertrochnete Blueme dä komisch Gschmack dä süesslech // 08v 20 Gschmack dä esch au emmer no glichlig gsih ond är esch anderisch gsih alles esch ganz anderisch gsih ond dië alte farbige Hüsli zwösche de 25 Wolkechratzere enne ond dië verrockt toskanisch Villa of dem alte Wolkechrätzerli obe em Village alles alles esch glichlig gsih ond de Gschmack dä 30 komisch dä süesslech Gschmack us de Schächte use ond us de Hüsere use ond dor alli Fenschter ine e d Hüser esch glichlig gsih wener 35 emmer gsih esch ond esch ganz andrisch gsih alles esch ganz andrisch gsih ond ech ha Angscht öbercho öb ech öppe nömme 40 de Glichlig sig ond öb ech öppe of einisch e andere sig e grusigi Angscht.
